მზისგან დამცავი საშუალებების გამოყენების წესი

მზისგან დამცავი კრემის შეძენისას, დარწმუნდით, რომ მასზე დატანილია ეტიკეტი „UVA + UVB დაცვა“ (UVA + UVB). ეს მარკირება მიუთითებს, რომ პროდუქტს აქვს მოქმედების ფართო სპექტრი და დაიცავს თქვენს პატარას როგორც ხანგრძლივი UVA სხივებისგან, რომელიც იწვევს დამწვრობას, ასევე მოკლე UVB სხივებისგან, რომელიც აღწევს ღრმა ფენებში და შეიძლება გამოიწვიოს უჯრედებში ნეგატიური ცვლილებები.

ეს საშუალებები არასოდეს უნდა შეიცავდეს ალკოჰოლს ან რაიმე არომატიზატორებს, რადგან არ გამოიწვიოს ალერგიული რეაქციები ან დამწვრობა მზის სხივების ზემოქმედების დროს.

თუ თქვენს პატარას უყვარს ცურვა და დროის უმეტეს ნაწილს წყალში ატარებს, ცურვის წინ აუცილებლად წაუსვით სპეციალური ტენიანობისადმი მდგრადი მზისგან დამცავი საშუალება. ვისაც უყვარს ქვიშაში თამაში, მათთვის სპეციალურ კრემებს აწარმოებენ, რომელზეც ქვიშა არ ეკრობა.

კრემის შეძენამდე პირველ რიგში ყურადღება მიაქციეთ ვარგისიანობის ვადას. გახსნილი კრემის გამოყენება არ შეიძლება 2 წელზე მეტი ხნის განმავლობაში (შეფუთვაზე მითითებული ვარგისიანობის ვადის მიუხედავად). ის კარგავს დამცავ თვისებებს.

ასევე, აუცილებლად გატესტეთ ის: წაუსვით ბავშვს მცირე რაოდენობით წინამხრის შიდა ზედაპირზე და დაელოდეთ მინიმუმ ერთი დღე. თუ კანზე რეაქცია არ გამოვლინდა, ე.ი. ეს პროდუქტი შესაფერისია თქვენი ბავშვისთვის.

მზისგან დამცავი საშუალებები წასმისთანავე არ იწყებს მოქმედებას, ამიტომ უნდა წაუსვათ ის სახლიდან გასვლამდე 15-30 წუთით ადრე, რომ შეწოვა მოასწროს. მხოლოდ ამის შემდეგ არის ის ეფექტური. ბავშვი გააშიშვლეთ, წაუსვათ კრემი მთელს სხეულზე, დაელოდოთ მის შეწოვას და მხოლოდ ამის შემდეგ ჩააცვათ საცურაო კოსტუმი ან ტანსაცმელი.  

თუ დასვენების დროს ბავშვი დარბოდა და ოფლიანდებოდა, ცურავდა ან უბრალოდ პირსახოცზე/ქვიშაზე იწვა, ხელახლა წაუსვით დამცავი. რეკომენდირებულია, რომ ნებისმიერი მზისგან დამცავი უნდა განახლდეს ყოველ 2 საათში ან ყოველი ბანაობის შემდეგ. ეს გამოწვეულია იმით, რომ მზისგან დამცავი კრემში 2 საათის შემდეგ SPF იწყებს თვისებების დაკარგვას.

სახლში დაბრუნებისას აუცილებლად ჩამობანეთ პროდუქტი.

გახსოვდეთ, დამცავი საშუალება უნდა გამოიყენოთ როგორც მზიან, ისე მოღრუბლულ ამინდში!