მთავარია, მშობლებმა სიმშვიდე და თავდაჯერებულობა შეინარჩუნონ, როცა ბავშვს სახლში მარტო ტოვებენ. წინააღმდეგ შემთხვევაში, შფოთვა და ნერვულობა გადაეცემა ბავშვს. უმჯობესია, უარი თქვათ პირველივე ჯერზე ხანგრძლივად ბავშვის მარტო დატოვებაზე და ჩაატაროთ ერთგვარი ექსპერიმენტი,  მაგალითად, გადით უახლოეს მაღაზიაში.

5-6 წლიდან ბავშვს კარგად შეუძლია დროის აღქმა. გააფრთხილეთ, რამდენ ხანს აპირებთ წასვლას და აუხსენით, რომ დაბრუნდებით, როდესაც საათზე ისრები კონკრეტულ მაჩვენებელზე გაჩერდება. მნიშვნელოვანია, თქვენი დაპირება ზუსტად შეასრულოთ.

როლური თამაშებიც მისაღებია ასეთ დროს. მაგალითად, თქვენ ხართ დედა დათვი, ბავშვი არის დათვის ბელი. დედა ტყეში მიდის ჟოლოს საკრეფად, ბავშვი კი მარტო რჩება. მოიფიქროს, რას გააკეთებს ბელი, სანამ დედას ელოდება, რისი ეშინია მისი არყოფნისას. შიშებისა და შფოთების გამოთქმის შემდეგ, ბავშვი აღარ იქნება შეშინებული იმით, რაც მის ფანტაზიაშია.

როდესაც სახლში დაბრუნდებით, ნუ გაკიცხავთ თქვენს შვილს არეულობის ან პატარ-პატარა სიგიჟეების გამო. თუ შენიშნეთ, რომ ბავშვი ნამტირალევია, დროებით გადადეთ ასეთი მცდელობები. ესე იგი, ცოტა დრო კიდევ სჭირდება მას დამოუკიდებლობისთვის. თუ ყველაფერმა კარგად ჩაიარა, შეგიძლიათ თანდათან გაზარდოთ ბავშვის მარტო დატოვების დრო.

გაითვალისწინეთ სპეციალისტების რჩევები და მაგალითად აიღეთ სხვა მშობლების გამოცდილება.