გამაჯანსაღებელი და გამაკაჟებელი ცურვა ბავშვმა შეძლება დაიწყოს დაბადებიდან ათი კვირის შემდეგ, რადგან ის ამ პერიოდში ჯერ კიდევ ინარჩუნებს „წყლის“ რეფლექსებს.

თქვენი პირველი ბანაობისთვის შესანიშნავია სახლის  აბაზანა. უმჯობესია, ბავშვმა ცურვის პროცედურები დაიწყოს კვალიფიციური ინსტრუქტორის დახმარებით.

არიან ინსტრუქტორები, რომლებიც გაკვეთილებს სახლში ატარებენ. ტრენერი შემოგთავაზებთ სწორ ტექნიკას და ძირითად სავარჯიშოებს, რომელის შესრულებაც მშობლებსა და მათ შვილებს შეუძლიათ სახლში დამოუკიდებლადაც.

როდესაც პატარა მოცურავე ხუთი თვის ასაკს მიაღწევს და აბაზანის წყლის ფართობი მისთვის საკმარისი აღარ არის,  ვარჯიშები შეიძლება გაგრძელდეს აუზში. ამ ასაკში ბავშვებს თავდაჯერებულად უჭირავთ ზურგი და თავი, ასევე სწრაფად ეჩვევიან ახალ აქტივობებს და ინსტრუქტორის რჩევებს.

რვა თვიდან წელიწადნახევრამდე ასაკი ვარჯიშისთვის რთულ პერიოდად ითვლება. ბავშვები უფრო ჭირვეულები ხდებიან და უჭირთ სასწავლო პროგრამაში სწრაფად ჩართვა, რადგან მათი ყურადღება ჩვეულებრივ გადართულია სხვა ახალი უნარ-ჩვევებისკენ – ისინი სწავლობენ ჯდომას, ცოცვას, იწყებენ ადგომას, პირველი ნაბიჯების გადადგმას, ემოციების გამოხატვას, ახალი საკვების დაგემოვნებას. დაძალება ამ პერიოდში არამიზანშეწონილია. ასეთ დროს მამასთან ან დედასთან ერთად აუზში ყოფნა (ტრენერის მეთვალყურეობის ქვეშ) საშუაებას იძლევა მინიმუმამდე დავიდეს ბავშვის სტრესი.

თუ ჩვილობის ასაკმა გადაიარა, ცურვის დაწყება მაინც არის გვიან.

ცურვის სწავლა ნებისმიერ ასაკში შეგიძლიათ დააწყებინოთ თქვენს პატარას.