სხეულის ტემპერატურა არის ადამიანის ჯანმრთელობის მდგომარეობის მნიშვნელოვანი „მარკერი“, ინდიკატორი იმისა, არის თუ არა ყველა პროცესი ნორმაში და არის თუ არა ანთებითი პროცესები, დაავადებები ან დარღვევები. სხეულის მომატებული ტემპერატურა ხშირად შეიძლება იყოს დაავადების დაწყების სიგნალი, ამიტომ სხეულის ტემპერატურის მნიშვნელობების მონიტორინგი მნიშვნელოვანია და აუცილებელია. ეს განსაკუთრებით ეხება ახალშობილებსა და მცირეწლოვან ბავშვებს.

როგორ გავზომოთ ბავშვებში ტემპერატურა სწორად?

მცირეწლოვან ბავშვებში ტემპერატურის გაზომვა ხდება იღლიაში, ყურში ან შუბლზე, პირში ან სწორ ნაწლავში. უფროს ბავშვებში ტემპერატურა ყველაზე ხშირად იზომება იღლიაში ან შუბლზე.

ჩვილების შემთხვევაში, 3 თვემდე, ყველაზე საიმედო მაჩვენებელი სწორ ნაწლავში გაზომვით განისაზღვრება (ნორმალური მნიშვნელობა 38 გრადუსამდეა). ეს გამოწვეულია იმით, რომ ამ ასაკში ბავშვებს აქვთ მეტაბოლიზმის მაღალი მაჩვენებელი, მცირე რაოდენობით ენერგიის რეზერვები სხეულის მუდმივი ტემპერატურის შესანარჩუნებლად და არასრულყოფილი თერმორეგულაცია.  

თუმცა, სწორ ნაწლავში სიცხის გაზომვა შეიძლება იყოს ტრავმული, თუ მშობლებმა არ იციან წესები. ასეთ შემთხვევაში უმჯობესია სხეულის ტემპერატურის გაზომვა უკონტაქტო თერმომეტრებით შუბლზე/ყურზე ან სპეციალური ჭკვიანი ინდიკატორით.

დღესდღეისობით ხელმისაწვდომია ნებისმიერი ტიპის თერმომეტრი.

გაიარეთ კონსულტაციები თქვენს პედიატრთან და შეარჩიეთ ყველაზე ოპტიმალური სიცხის გასაზომი მოწყობილობა თქვენი ბავშვისთვის.