საფენების ნაკლოვანებებს ხშირად შეიძლება წააწყდეთ, თუ არასწორად შეარჩევთ მას.

• ბავშვის გადახურება – ეს შეიძლება მოხდეს, თუ ოთახში ძალიან ცხელა და ბავშვს აცვია საფენი, რომელიც ინარჩუნებს სითბოს. პრობლემის ამოცნობა შესაძლებელია ბავშვის ვიზუალური გამოკვლევით: თუ საფენის ქვეშ კანი უფრო ვარდისფერია, ვიდრე სხეულის დანარჩენ ნაწილზე, ე.ი. მოსალოდნელია გადახურება;
• დერმატიტი – საკმაოდ გავრცელებული პრობლემაა საფენების გამოყენებისას. ეს ჩვეულებრივ გამოწვეულია ნაზი კანის კონტაქტით სხეულის სითხეებთან. დერმატიტის თავიდან ასაცილებლად, უნდა აირჩიოთ საფენები, რომლებიც ძალიან კარგად შთანთქავენ ტენიანობას. ამ გზით თქვენ საგრძნობლად ამცირებთ დერმატიტისა და მასთან დაკავშირებული დაავადებების განვითარების რისკს. მნიშვნელოვანია, რომ საფენები სწორი ზომის იყოს შერჩეული და ბავშვის კანზე ზეწოლას არ იწვევდეს (არ უჭერდეს). უმნიშვნელო ხახუნმაც კი შეიძლება ძლიერი გაღიზიანება გამოიწვიოს.
• ალერგიული რეაქციები – თუ ტრუსი ბავშვისთვის ძალიან პატარა ან დიდია, იმატებს ალერგიული რეაქციის ან გაღიზიანების ალბათობა; ალერგია შეიძლება გამოწვეული იყოს, თუ საფენი შეიცავს ტოქსიკურ ან სურნელოვან კომპონენტებს/შთამნთქმელ გელს. ასევე, არ უნდა გამოირიცხოს ინდივიდუალური აუტანლობა ზოგიერთი კომპონენტისა და მასალის მიმართ. მნიშვნელოვანია, მოხდეს სწორი დიფერენციაცია ალერგიულ რეაქციასა და  გაღიზიანებას შორის: თუ გამონაყარი მხოლოდ სხეულის კონტაქტურ ნაწილებზე ჩნდება, ე.ი. მისი წყარო ალერგიაა.
• შარდსასქესო სისტემის ინფექციური დაავადებები – საფენის ქვეშ იქმნება თბილი და ტენიანი გარემო, რომელსაც შეუძლია საშიში ბაქტერიების ზრდის პროვოცირება. ამის თავიდან ასაცილებლად ბავშვს რეგულარულად უნდა გამოუცვალოთ საფენი, რადგან ის ბინძურდება: დაახლოებით 3-4 საათში ერთხელ სველი საფენის შემთხვევაში და ყოველი დეფეკაციის შემდეგ, მაშინვე.  ინფექციების თავიდან აცილების მიზნით სპეციალისტების მიერ  რეკომენდებულია ბავშვისთვის ჰაერის აბაზანების გაკეთება, ანუ გამოცვლის დროს რამოდენიმე წუთით ბავშვის გაჩერება საფენის გარეშე;
• საფენების ზიანი გარემოსთვის – საფენები შეიცავს სინთეზურ მასალებს და კომპონენტებს, რომლებიც უარყოფითად მოქმედებს გარემოზე. საფენების მიერ გამოწვეული ძირითადი ეკოლოგიური ზიანი სწორედ ამ პროდუქტების წარმოების პროცესშია. ძირითადად ამ მიზეზით, ბევრი მწარმოებელი აახლებს მრავალჯერადი გამოყენების საფენებს. ეს ტენდენცია ყველაზე გამოხატულია დიდ ბრიტანეთში, აშშ-ში, იაპონიასა და შოტლანდიაში.

გაითვალისწინეთ სპეციალისტების რჩევები და საფენების გამოყენება იქნება მხოლოდ კომფორტული თქვენთვის და თქვენი პატარასთვის.

1. რატომ არ შეიძლება ვადაგასული საფენების გამოყენება?

თითქმის ყველა საფენს აქვს სამწლიანი შენახვის ვადა. მაგალითად, იაპონური საფენების შენახვა შესაძლებელია წარმოების დღიდან არაუმეტეს ორი წლისა. თუ მათ დროულად არ იყენებთ, ისინი იწყებენ გაფუჭებას და შეიძლება მნიშვნელოვანი ზიანი მიაყენონ ბავშვის ჯანმრთელობას:

• დისკომფორტი – საფენების ზიანი დისკომფორტით იწყება. ვადაგასული ტრუსების ცელულოზა და სხვა კომპონენტები წებდება და ჩნდება ალაგ-ალაგ გროვებად. შთამნთქმელი გელი შრება და აღარ აქვს ნესტის შეწოვის საშუალება. ეს კი იწვევს გამონაყარის წარმოქმნას და ბავშვის ნაზი კანის ძლიერ გაღიზიანებას;
• მძაფრი სუნი – როდესაც საფენები დიდი ხნის განმავლობაში ინახება შეფუთვის გარეშე, ისინი ფაქტიურად  გადაიქცევიან  „ღრუბლად“ და ადვილად შთანთქავენ ყველანაირ სუნს;
• ალერგია, ტოქსიკური შოკი – ვადაგასული საფენებიდან ყველაზე საშიშია სპეციალური ლოსიონებით ან არომატიზატორებით გაჟღენთილი ტრუსები. ასეთი საფენები ვარგისიანობის ვადის გასვლისთანავე დაუყოვნებლივ უნდა გადააგდოთ.

აუცილებლად გაითვალისწინეთ სპეციალისტების რჩევები და აღმოაჩინეთ საფენების ნაკლოვანებები!