რამდენ ხანს შეუძლიათ ბავშვებს მზის აბაზანების მიღება ჯანმრთელობისთვის ზიანის მიყენების გარეშე? 15 წუთი? 1 საათი? ნახევარი დღე?

ამ კითხვაზე მკაფიო პასუხი არ არსებობს.

მსოფლიოში არც ერთ სპეციალისტს შეუძლია გამოგითვალოთ მზეზე ყოფნის უსაფრთხო პერიოდი, რომელიც თქვენს შვილს ზიანს არ მიაყენებს. რადგან ბევრი ფაქტორი უნდა იქნას გათვალისწინებული, რომელთაგან ზოგიერთი ინდივიდუალურია: გარე (ჰაერის ტემპერატურა, წყლის ტემპერატურა, ჰაერის ტენიანობა, ქარის არსებობა/არარსებობა და ა.შ.), ინდივიდუალური (სად არის ბავშვი (მზეზე, ჩრდილში), პლაჟზე ყოფნის ხანგრძლივობა, როგორი ტანსაცმელი აცვია დახურული/ღია, როგორია ქსოვილის შემადგენლობა), ბავშვის კეთილდღეობა და ა.შ.

არსებობს მხოლოდ სპეციალისტების რეკომენდაციები, რომლითაც შეგიძლიათ დაიცვათ ბავშვი მზის სხივების უარყოფითი გავლენისა და ორგანიზმის არასასურველი რეაქციებისგან.

მნიშვნელოვანია!

• პიგმენტი მელანინი, რომელიც პასუხისმგებელია გარუჯვაზე, ბავშვის კანში საკმარისი რაოდენობით გამომუშავებას იწყებს მხოლოდ 3 წლის შემდეგ. ეს ნიშნავს, რომ 3 წლამდე ასაკის ბავშვები დაცული უნდა იყვნენ მზის პირდაპირი სხივებისგან, ვინაიდან ამ ასაკამდე კანის სრული დაცვა არ არსებობს;
• მზის მაქსიმალური აქტივობის პიკი არის 11.00-დან 16.00 საათამდე. ამ პერიოდში არ არის მიზანშეწონილი  მზეზე ყოფნა ნებისმიერი ასაკის ბავშვისთვის, განსაკუთრებით მის პირდაპირი ზემოქმედების ქვეშ;
• 3 წლამდე ბავშვების სანაპიროზე გაყვანა დასაშვებია დღის  11:00 საათამდე და 16:00 საათის შემდეგ. ამ შემთხვევაშიც პატარები უნდა იმყოფებოდნენ პლაჟის ქოლგების, ხეების ჩრდილის და ა.შ. ქვეშ.
• 3 წელზე უფროსი ასაკის ბავშვებს შეუძლიათ მზის აბაზანების მიღება ღია მზეზე 11:00 საათამდე ან/და 16:00 საათის შემდეგ. დღის ამ პერიოდში მზის სხივები ყველაზე უსაფრთხოა;
• აუცილებლად გამოიყენეთ საბავშვო, მზისგან დამცავი კრემი SPF ფაქტორით მინიმუმ 50.  წაუსვით ბავშვს კანის ყველა ღია ადგილას სახლიდან გასვლამდე და ყოველი ბანაობის  შემდეგ, თუ ის ხშირად ჩადის წყალში.
• დაიცავით ბავშვის თვალები და თავი მზისგან. გამოიყენეთ შესაფერისი მზის სათვალეები და  შესაფერისი ქუდი ფართო ფარფლებით (მაგ. “პანამას” სტილის).  სასურველია ქუდი დამზადებული იყოს მსუბუქი ბუნებრივი ქსოვილებისგან;
• დეჰიდრატაციის თავიდან აცილების მიზნით მიეცით ბავშვს საკმარისი რაოდენობის სასმელი. მზის სხივების ზემოქმედებისას ოფლიანობა მატულობს და ბავშვმა ჩვეულებრივზე მეტი სითხე უნდა მიიღოს (უმჯობესია – წყალი);

იყავით ყურადღებიანი თქვენი შვილის მიმართ! ჯანმრთელობას გისურვებთ!